- აბაშის მუნიციპალიტეტის მერიის ინფორმაციით, სოფელ საგვაზაოში N1 და N 3 ქუჩების მოასფალტების შემდეგ, სამუშაოები ძველი აბაშა-ონტოფოს დამაკავშირებელ 3.5 კმ-მდე გზაზე პირველი ეტაპის სამუშაოები მიმდინარეობს.
უწყების ცნობით, სოფლის ამ მონაკვეთში ასფალტირებული გზა არ არსებობდა და საგზაო ინფრასტრუქტურა ავარიული იყო.
უახლოეს ხანებში ასფალტის საფარი დაიგება:
- სოფ.ზანათში ახალსოფლის უბნის N6 ქუჩაზე.
- სოფ. სამიქაოში დარცემლიძეების უბანში და ჩორგოლაშვილების უბანში.
პროექტის ფარგლებში ჯამში 12-კმ-მდე გზაზე ჩატარდება სარეაბილიტაციო სამუშაოები, რისთვისაც რეგიონებში განსახორციელებელი პროექტების ფონდიდან 2 840 000 ლარი იხარჯება.