- აბაშის მუნიციპალიტეტში, “სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და კონსულტაციები იწყება.
დასახლების საერთო კრებები და კონსულტაციები 8 თებერვალს დაიწყება და ყველა ადმინისტრაციულ ერთეულში ეტაპობრივად გაიმართება.
აბაშის მუნიციპალიტეტის მერიის ინფორმაციით, 2025 წელს, აბაშის მუნიციპალიტეტში, „სოფლის მხარდაჭერის პროგრამის“ ფარგლებში, საქართველოს რეგიონებში განსახორციელებელი პროექტების ფონდიდან 500 000 ლარი დაიხარჯება.